за

McLaren со уште една рекордна година

Продажбата на McLaren се зголемува континуирано откако во 2010 година почна производството на суперавтомобили. Во 2013, компанијата за првпат имаше профит

Британската марка произлезена директно од формула 1 лани продаде преку 1.600 возила, вклучувајќи 248 примероци од суперавтомобилот McLaren P1, што е апсолутен рекорд досега.

McLaren Automotive ја заврши ланската година со рекордна продажба откако компанијата стартуваше со производство на ексклузивни суперавтомобили во 2010 година. Вкупно 1.648 возила беа испорачани во целиот свет, што е зголемување од 21 проценти во споредба со 2013 година, кога автомобилската дивизија на McLaren за првпат забележа профит во работењето. Паралелно со растечкиот интерес за нивните возила, McLaren ја прошири и продажната мрежа со 14 нови салони, со што марката сега располага со вкупно 68 продажни локации низ светот.

Во оваа средина се произведува хибридниот суперавтомобил P1
Во оваа средина се произведува хибридниот суперавтомобил P1
Во оваа средина се произведува хибридниот суперавтомобил P1[/caption]По светското деби на 650S во купе и спајдер изведба на салонот во Женева, од овој клучен модел за McLaren се продадоа 1.400 примероци, на што се надоврзуваат уште неколку примероци од моделот во заминување 12C. Тоа што носи уште поголема радост за британската компанија се 248-те продадени примероци од хибридниот суперавтомобил McLaren P1 со 916 КС, односно две третини од вкупната планирана продукција за моделот од 375 примероци.

McLaren во моментов е присутен на 30 пазари, вклучувајќи ги Чиле, Шкотска и Тајланд. Нови салони се отвораа и на пазарите на коишто марката веќе е присутна, односно во Кејптаун, Мелбурн, Тјанџин и други. Наголем пазар за McLaren се САД, кадешто се продава една третина од вкупната продукција. На салонот во Њујорк во април претстои премиера на новиот модел на McLaren, а по завршувањето на производството на P1 ќе следува уште поексклузивниот P1 GTR, наменет само за тркачките патеки.

5

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Во 14 примероци, супербрз и суперскап: Donkervoort D8 GTO Bilster Berg…

CES 2015: Sony повторно го смали 4K-камкордерот