Специјалистот за теренски возила Land Rover, во партнерство со Европската Тура на Авантуристички Филмови (European Outdoor Film Tour) го најавува првото доделување награди во рамките на манифестацијата „Награда за авантурист на 21-от век“.
Наградата е во вредност од 10.000 евра и во иднина ќе се доделува еднаш годишно, како одликување на најголемите авантуристи што се актуелни во периодот. Петчлено стручно жири за првиот избор ги номинираше планинарката Тамара Лунгер, кајакарот Бен Стуксбери, поларната експертка и авантуристка Сара Мекнер-Лендри и параглајдеристот Антоан Жирар.
Победничката или победникот ќе биде соопштен за време на премиерата на Европската Тура на Авантуристички Филмови во Минхен, на 9-ти октомври. Land Rover и EOFT ќе снимат документарен филм за носителот на наградата. Овој филм од наесен ќе се прикажува во рамките на 500 настани на EOFT во 20 држави.