Киа во ноември имаше историски рекорд во САД

Шеснаесет пати, Киа месец за месец постигнува подобри продажни резултати отколку во содветните месеци во претходната година на големиот пазар во САД.

За бројките што Киа има да ги објави за својата продажба во САД годинава, вредно е да се ангажираат некои од најпознатите најавувачки гласови на тамошните спортски натпревари. Корејската марка втора година надминува продажба од 700.000 возила во САД. За тоа да се случи годинава, беа доволни и единаесет месеци.

Киа во ноември продаде 58.338 возила во САД и со тоа го постигна најдобриот ноемвриски резултат во историјата. Во споредба со лани, тоа се за 3 проценти повеќе возила.

Рекордниот ноември ѝ помогна на Киа да постигне и нов рекорд на годишна продажба. За единаесет месеци се продадени 722.176 возила, повеќе од лани, кога марката веќе прославуваше рекордна година.

Солидни бројки постигнуваат и електричните возила. Дури и повеќе од солидно, затоа што нивната продажба за 11 месеци забележа раст од 120 проценти. Предводничката на електро-региментата, Киа ЕВ6, во ноември годинава беше за 101 процент подобра од лани. Во сите 50 сојузни држави се почнати и нарачките за СУВ-седумседот и знаменосец, ЕВ9, којшто е точно погоден за тамошните возачки и возачи.

„Побарувачката за возилата на Киа останува на историско рамниште и тоа што нашиот досегашен продажен рекорд го надминавме за помалку од 11 месеци, сведочи за моќта на Киа како марка и за растечката понуда од издржливи и способни СУВ-модели, спортски лимузини и иновативни ЕВ,“ кажа Ерик Вотсон, заменик директор за продажба во Киа Америка. Тој потсетува и на освеженото моделско годиште на луксузниот Соренто, од кого што се очекува да даде силен поттик и в година.

 

View this post on Instagram

 

A post shared by Automedia.mk (@automedia.mk)

Седум модели пораснаа со продажбата во ноември: Карнивал (+202 проценти), ЕВ6 (+101 проценти), К5 (+13 проценти), Спортаж (+4 проценти), Селтос (+3 проценти), Телјурајд (+3 проценти) и Форте (+1 проценти). На СУВ-моделите отпаѓаат 71 процент од продажбата во САД и тоа не е изненадување. Електричните и хибридните модели учествуваат со 45 проценти во ноемвриската продажба во САД.

Kia Sportage на дело: По стариот пат преку Богомила до Прилеп