Џон Бакингем е нов директор на Kia Next Design Exterior Group, тим што е задолжен за надворешниот изглед на следната генерација модели на Kia. Дизајнот претставува еден од темелите врз коишто корејскиот производител ја гради својата стратегија за да стане водечка компанија во мобилноста во иднината.
Бакингем од 1-ви јуни, од местото на главен дизајнер за надворешниот изглед, му рапортира на потпретседателот Тек Кун Ким, кој во јануари беше поставен за главен дизајнер на Kia. Тој раководи со создавањето на надворешниот и внатрешниот дизајн на идните модели на Kia, исто како и со CMF-дизајнот, односно со боите, материјалите и површините.
Изгледот на новите модели на Kia го следи дизајнерскиот пристап на „Opposites United“ (соединети спротивности) и тоа претставува еден од темелите врз коишто Kia ја гради својата стратегија да стане водечки производител во ерата на новата мобилност.
За овие активности да се преточат во стварност, Карим Хабиб, заменик на извршиот директор и раководител на дизајнерскиот центар на Kia во светски рамки, воведе организација којашто им дава поголема надлежност на дизајнерите на марката.
„Бидејќи Kia продолжува да се движи кон одржлива мобилност и се разви во амбициозна марка, посебно ме радува што можам да го поздравам Џон Бакингем во глобалниот дизајнерски центар на Kia“, посочува Хабиб. „Покрај тоа, за нас е фантастична предноста што во тимот го имаме Тек Кун Ким, кој раководи со нашите проекти што влегуваат во производство. Со своите исклучителни способности и богати искуства, тој може уште посилно да ја насочи нашата организација за дизајн во Намјанг, во насоката во којашто сакаме да ја движиме нашата марка.“
Шеф-дизајнерот Тек Кун Ким цени дека „Kia успешно се позиционираше на врвот на пазарот на електрични возила, со EV6 и со идниот EV9, коишто се одликуваат со иновативен дизајн“.
Електричниот кросовер Kia EV6 наскоро ќе ја има својата македонска премиера
Бакингем располага со богато искуство во дизајнирањето електрични возила. „Ми претставува голема чест да пристапам во Kia Next Design Exterior Group“, кажува дизајнерот. „Ме радува што ќе соработувам со високо талентиран дизајнерски тим, за да продолжиме да ја дефинираме прогресивната дизајнерска филозофија на ‘обединети спротивности’ и амбицијата да ја примениме во новата генерација модели на Kia.“
Пред да пристапи во дизајнерскиот тим на Kia, Бакингем беше на раководни функции како дизајнер во луксузни и премиум марки, меѓу кои се Bentley Motors, BMW и Faraday Future. Во последнава марка, тој беше одговорен за завршниот развој и за воведувањето во продажба на знаменосецот FF91.
Образование и претходни професионални активности
Џон Бакингем, раководител на Kia Next Design Exterior Group
2023 Kia, раководител на Kia Next Design Exterior Group
2022 Faraday Future, главен автомобилски менаџер
2018 Bentley Motors, Exterior Design Manager Advanced and Bespoke
2012 BMW Designworks USA, директор за креатива
2005 BMW Group Design, надворешен дизајн
2005 Диплома за уметност во автомобилски дизајн, Coventry University
Тек Кун Ким, потпретседател, директор на Kia Next Design Group
2023 Kia, потпретседател, директор на Kia Next Design Group
2020 Kia, потпретседател, директор на Kia Next Design Exterior Group
2018 Kia, раководител на тим за надворешен дизајн во Kia
2013 Mercedes-Benz, Германија, водечки дизајнер во тимот за надворешен дизајн
2011 Mercedes-Benz, Германија, постар дизајнер во Advanced Design Team
2007 Mercedes-Benz, Јапонија, дизајнер во центар за напреден дизајн, во Јокохама
2005 Daihatsu Motors, јапонија, дизајнер за надворешност
2004 Диплома за уметност во индустриски дизајн на Hongik University
