Kia Motors ќе ја претстави новата генерација на големиот спортски теренец на салонот во Лос Анџелес во ноември. Набрзо потоа Sorento ќе стартува со продажбата и во Европа.
Kia ги објави првите официјални цртежи од новата генерација на Sorento. Големиот спортски теренец ќе биде претставен во ноември годинава на салонот во Лос Анџелес, а неколку месеци подоцна ќе следува и неговата премиера на европска почва. Sorento најавува комплетно нов дизајнерски правец на корејската марка, како во надворешноста, така и во кабината. Моделот и натаму ќе се нуди исклучиво во изведба со погон на сите тркала. Под хаубата ќе работи 2,2-литарскиот дизел, којшто во актуелната генерација постигнува 197 КС.
