Новата марка на Volkswagen со нам добро познатото име Jetta доживеа светска премиера на салонот во Шангај. Марката ќе биде присутна само во Кина и ќе освојува нов круг купувачи за германскиот концерн. Првиот модел е Jetta VS5, дизајниран е во Волфсбург.
Се сеќаваме уште на Jetta? Лимузинската изведба на Golf за голем круг купувачи ширум регионов беше најдобриот автомобил што постои, во 1980-те и 1990-те години. Jetta денес постои како модел во САД, но отсега и како марка, во Кина. Марката е создадена во февруари годинава во Волфсбург, како најнова во портфолиото на германскиот концерн. Продажбата на првиот модел на Jetta ќе стартува наесен.
Дизајнот непогрешливо укажува на германското потекло, зашто стратезите во концернот ценат дека тоа ќе биде силен аргумент за автомобилот пред кинеските возачки и возачи. Целта на марката е да привлече нов круг купувачи. Тоа ќе бидат првенствено млади лица, кои првпат купуваат автомобил. Jetta ќе има посебна дилерска мрежа и посебно лого.
Jetta VA3
https://photos.app.goo.gl/DEWKtA98PgyXJmBq7
Моделската понуда во почетокот ќе ја сочинуваат лимузината VA3 и СУВ-моделите VS7 и VS5. Прв од фабриката на FAW-Volkswagen во Ченгду ќе стартува VS5. Првото појавување на марката пред кинеската публика наиде на позитивни реакции, особено меѓу младите купувачи, кои не пропуштија да се сликаат покрај возилата.
https://photos.app.goo.gl/PoAVZRQdmTLoM9x7A
Jetta VS7
https://photos.app.goo.gl/3YnVMAi8LxMG7E2XA
https://photos.app.goo.gl/H8SEVgZAD3gDS5776
Jetta VS5
https://photos.app.goo.gl/6awtQacfoXYaTAng7
