за

Жолта боја за специјалната серија од Jaguar F-Type

jaguar f-type yellow
jaguar f-type yellow

Специјалната серија F-Type R-Dynamic Limited Edition, ограничена на само 200 возила, е прв жолт Jaguar од сериско производство по повеќедецениска пауза. Тоа порано беше честа боја кај легендарниот предок E-Type, но и кај лимузината XJ и купето XJS. Освен во бојата „Yunnan Yellow“, Британците го нудат моделот од ограничена серија и во боја „Borasco Grey“.

Само 50 примероци, од кои 20 кабриолети, ќе бидат лакирани во ексклузивната жолта боја, додека преостанатите 150 примероци од F-Type ќе добијат сива каросерија – од нив 80 ќе бидат во кабриолет изведбата. По половина од одделните варијанти ќе располагаат со погон на сите тркала.

Возилата од специјалната серија поседуваат мотор V6 со моќност од 380 КС. За спринтот од место до темпо сто се потребни 4,9 секунди, односно 5,1 секунди со погон на сите тркала. Крајната брзина изнесува 275 km/h.

New photo by Automedia MK / Google Photos

Надворешноста се препознава по бандажите од 20 инчи, со пет двојни краци и во црна сјајна боја, по каросериските детали што исто така се во црна боја и по диодните светла. На праговите се наоѓаат плочки од благороден челик, педалите се од истиот материјал, седиштата се кожени и имаат електрично местење и греење, украсните делови се од алуминиум и има прием на дигитално радио.

Купе изведбата дополнително поседува електрично задвижуван заден капак, додека кабриолетот стандардно поседува ветерна брана.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Австралија има систем против користење мобилен во возење

Австралија има систем против користење мобилен во возење

Mitsubishi small SUV PHEV

Концепт на Mitsubishi најавува нов модел со хибриден погон