за

Honda HR-V ќе може да се стокми по мера

Месецов почнуваат испораките на новата Honda HR-V на европскиот пазар, моделот се очекува наскоро да стартува и во Македонија. Јапонскиот производител во меѓувреме понуди пакети, за секој да може да стави сопствен печат на возилото.

Honda HR-V доаѓа со новиот дизајнерски говор на марката, со хибриден погон што нема потреба од менувач, но и со пакети со каросериски додатоци, што фабрички се вградуваат во возилото и на тој начин автомобилот визуелно се поврзе со сопствениот животен стил.

Еден од петте пакети за стил за новиот HR-V од коишто може да се избира и за којшто Honda очекува дека ќе се нарачува најчесто е спортскиот пакет, верно на имиџот на марката. Предната маска и продолжетокот на задниот спојлер се лакирани во берлина црна боја, додека предниот спортски браник, задната декорација во спортски стил и страничните украси се лакирани во боја на каросеријата, со хромирани додатоци.

Следен е Опскура црн пакет, за нагласување на спортскиот и моќен лик на Honda HR-V, со финиш на предната маска, површината околу магленките, капите на ретровизорите и продолжетокот на задниот спојлер во берлина црна боја и лак во боја на каросеријата.

Доколку се бара нагласување на премиум карактерот на HR-V, тогаш може да се избере илменит-титаниум надворешен пакет. Површините околу магленките, капите на ретровизорите и украсите на задниот поклопец се изведени во боја на титаниум.

New item by Automedia MK / Google Photos
New item by Automedia MK / Google Photos
New item by Automedia MK / Google Photos

Преостанатите два пакети се однесуваат на кабината. Илменит-титаниум внатрешен пакет додава титаниумски украси на воланот, околу бирачот за возење и прекинувачите во вратите. Опција се кожени седишта, во комбинација од класична кожа во темнокафена или црна боја, со квалитетно платно Алстон.

За практичноста, што секогаш било врвна вештина на Honda, по примерот на Jazz и Civic со нивната „волшебна задна клупа“, кај новиот HR-V може да се избере карго пакет. Тој содржи практично корито за сместување и раздвојување на валканите предмети, на пример спортска опрема. Дополнителна заштитна плоча од челик на прагот на багажникот е отпорна на оштетување при товарење. Пакетот содржи и светло во поклопецот на багажникот што го осветлува и просторот зад возилото.

Посебен пакет е наменет за корисници со активен животен стил, што содржи калници, заштита на праговите и гумен патосник во багажникот, сé заради заштита од валкање.

New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos

>>> Два важни новитети на Honda доаѓаат во 2022 година

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Volkswagen почна тестови со возила што управуваат сами

Руска GAZelle во служба на јавен превоз во Виетнам