Според продажните статистики за првите пет месеци од годинава, Honda CR-V е најпродаван спортски теренец во светот, со 286.685 примероци. На списокот на 50-те најпродавани модели во светот до месец мај, Honda CR-V е на десеттото место. Следува Toyota RAV4, како втор најпродаван СУВ во светот, со 237.869 примероци, на 15-то место на најпродаваните 50 модели на глобално ниво, пред Volkswagen Tiguan (21-во место, 216.404 примероци), Nissan Qashqai (33-то место, 162.863 примероци) и Ford Escape (38-мо место, 153.626 примероци). Меѓу најпродаваните модели се најдоа и спортските теренци Kia Sportage, Hyundai Santa Fe, Hyundai ix35, Mazda CX-5 и Ford Explorer.
