Ford премиерно ќе го претстави новиот Bronco на единствен начин. Важниот модел за марката ќе се појави во првите рекламни блокови на каналите ABC, ESPN и National Geographic на 13-ти јули во 20 часот по „источно време“ во САД.
Ford ќе го претстави комплетно новото моделско семејство на Bronco на сите канали на мрежата Disney (тв, кабел, дигитални и онлајн канали). Во понеделник на 13-ти јули, три различни рекламни спотови во времетраење од по 3 минути, ќе бидат пуштени во ударен термин во 20 часот источно американско време на ABC, ESPN и на National Geographic (според наше време во 2.00 часот наутро, на 14-ти јули, вторник). Трите филмови ќе бидат достапни на Hulu во следниот ден.
Филмовите во коишто се откриваат приказните на тимот на Ford се дело на оскаровскиот режисер и кинематограф, фотограф и професионален планинар Јими Чин, во соработка со агенцијата Disney CreativeWorks.
Ford потоа ќе објави дополнителни информации за моделското семејство на теренецот Brondo на сопствените канали на социјалните мрежи. Фановите на моделот што ужива високо реноме и има вредна традиција на американската и светската автомобилска сцена, ќе можат да резервираат автомобил по цена од 100 долари, почнувајќи од истиот момент кога рекламите ќе се појават на мрежите на Disney.
Првично беше планирано премиерата на Bronco 4×4 SUV да се одржи во јуни, на салонот во Детроит, но и тој се откажа поради пандемијата.
https://www.instagram.com/p/CCeIjE2Dbcu/
https://www.instagram.com/p/CCeIqXcDw5s/
