Италијанскиот класик со напредна погонска технологија, во ноември бил втор најпродаван електрифициран автомобил во Германија, на најголемиот и најважен пазар во Европа. Електричната и хибридната изведба на Fiat 500 таму се продадоа во вкупно 43.049 примероци до ноември.
Fiat 500 достига мошне високи позиции на германскиот пазар. Вкупно четири месеци, електричниот Fiat 500 Electric беше најпродаван автомобил со електричен погон, а во ноември стана дури и втор најпродаван модел од сите автомобили што се достапни на тамошниот пазар.
Италијанскиот градски автомобил е најпродаван увозен модел во Германија, во периодот од јануари до ноември 2022 година.
Според најпедантната статистика што се води за германскиот пазар, Fiat 500 Electric единаесетпати годинава бил меѓу првите три најпродавани модели на пазарот, со чисто електричен погон. Не постои друг модел со погон само на струја, што успеал секој месец годинава да биде во Топ 3.
Овој заеднички успех на двете изведби на Fiat 500 ѝ донесоа на италијанската марка историски највисок удел од 6,7 проценти на домашниот пазар на VW & Co.
Најпродавани модели во категорија на малечки автомобили во Германија, од јануари до ноември 2022:
Fiat 500 · 43.049 примероци
Volkswagen Up · 21.043 примероци
Dacia Spring · 10.308 примероци
Најпродавани модели во категорија на автомобили со чисто електричен погон во Германија, од јануари до ноември 2022:
| TESLA MODEL Y | 28.044 |
| TESLA MODEL 3 | 24.275 |
| FIAT 500 | 23.123 |
| VW ID.4, ID.5 | 17.656 |
| VW ID.3 | 16.421 |
| HYUNDAI KONA | 13.677 |
| HYUNDAI IONIQ5 | 11.248 |
| AUDI E-TRON | 11.023 |
| VW UP | 10.998 |
| SKODA ENYAQ | 10.921 |
| Вкупно BEV | 366.234 |
