Шефот Маркиојоне има големи планови со Fiat-Chrysler. До 2018 година концернот ќе достигне ниво на годишна продукција од шест милиони автомобили.
Серџо Маркијоне ќе ја зголеми продукцијата на новиот концерн Fiat-Chrysler Automobiles на шест милиони автомобили до 2018 година. „Со иницијативите што ќе ги претставиме во мај е достижна целта од шест милиони“, изјави во понеделникот шефот на Fiat на генералната конвенција на претпријатието во досегашното седиште во Торино.
За оваа година е поставена цел од околу 4,5 милиони произведени автомобили. На 6-ти мај Fiat ќе го претстави во Детроит деловниот план за следните години. Спојувањето на италијанскиот производител на автомобили со неговата американска фирма ќерка Chrysler коешто беше случено во почетокот од годинава ќе заврши до крајот на 2014, потврди Маркијоне. Новото претпријатие по спојувањето е седми најголем производител на автомобили во светот. Правното седиште на Fiat Chrysler Automobiles е во Холандија.