за

Електрично Ferrari против класично Ferrari со V12-мотор

Префрлувањето на автомобилските икони на електричен погон е голема работа на автомобилската сцена. CarWow соочи Ferrari со погон од Tesla против Ferrari со најпримерен мотор V12 од 1980-те.

Автомобилските класици во коишто место врвен мотор со внатрешно согорување работи електрична погонска техника постојано го привлекуваат вниманието на сцената. Ferrari 308 е чест избор за таков вид трансплантација. Класичниот модел е релативно достапен, произведен е во исто така релативно голема серија, па и не е грев ако се изведе таков зафат, како што е вградување електричен погон.

Каналот CarWow отсекогаш имал свежи идеи. Тие пуштија Ferrari 308 да се трка против еден од најценетите автомобили во историјата, против Ferrari Testarossa. Во стандардната изведба, „308“ располага со скромни 220 КС за денешни стандарди. Но, ова е нестандардна изведба. Моторот V8 со зафатнина од три литри е заменет со електричен погон од Tesla, што моќноста на автомобилот ја зголемува на 450 КС.

Testarossa, култен модел од 1980-те, именуван според тркачките икони на Ferrari и со глави на моторот бојадисани во црвена боја, на оваа електрична моќ на Tesla се спротивставува со 390 КС од врвна машина V12.

Основниот услов за два автомобили да се споредуваат во перформансите е обезбеден, останува уште да се проследи трката меѓу двата навистина несекојдневни модели на Ferrari.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Неразумно до неодоливост: Brabus 900 Rocket Edition

mitsubishi space star

Роналдо заработува за автомобил за дваесет секунди, народот за 20 месеци