Дарко Јаконов
Како што соопшти компанијата Nikola, од 1-ви јануари 2023 година, Лошелер дополнително ја презема и функцијата на извршен директор. Досегашниот извршен директор и претседател на корпорацијата Nikola, Марк Расел, заминува во пензија, но останува во управниот одбор.
Лошелер го менаџираше почетокот на сериското производство и испораката на првиот електричен камион на Nikola, којшто се води под моделската ознака Tre BEV. Со полна батерија, камионот од тешка категорија минува до 560 километри.
Вториот модел е Tre FCEV, тоа е камион со горивна ќелија, што користи водород како погонско гориво, и неговиот досег ќе биде над 800 километри. Камионот со погон на водород е подготвен за сериско производство и го чека стартот. Двата модели не се замислени како камиони за долги релации, туку како возила со нулта емисија на штетни материи за достава на товар од и до големите пристаништа.
Третиот модел е Two FCEV, којшто се планира да стартува со сериско производство во 2024 година и првенствено ќе се пласира на пазарот во Северна Америка. Овој модел, што исто така користи водород, веќе ќе одговара за транспорт на долги релации, со досег до 1.450 километри. Производството на возилата ќе се одвива во Аризона и во Улм, во фабриката на Iveco во германската сојузна покраина Баварија.
We're on track to achieving the following milestones in 2022.
➡️ Deliver 300 to 500 production Tre BEV trucks
➡️ Successful FCEV alpha pilot testing with Anheuser-Busch and TTSI
➡️ Build, validate and test Tre FCEV beta trucks pic.twitter.com/kWafIfqRf5— Nikola Motor Company (@nikolamotor) August 11, 2022
Лошелер, човек што има истрчано повеќе од 100 маратони, во неговото време во Opel постигна компанијата повторно да ги пишува деловните биланси со црни бројки. Цела деценија, денес единствената германска марка во концернот на Peugeot и Fiat, работеше со загуба. Претседателот на управниот одбор на Nikola, Стив Гирски, говори за постигнувањата на Лошелер: „Во шесте месеци по неговото доаѓање во нашата компанија, Михаел донесе поголема ударна моќ, побрзо темпо и подобра комуникација.“
Батерија од 420 kWh и електромотор од 400 kW за Mercedes eActros
