Конзорциумот Euro NCAP од следната година ќе стартува со тестирање на системи што самостојно запираат кога возилото наидува на пешак. За таа цел ќе се користат специјални кукли за тестирање. За добра оцена е потребно системот самостојно да го запре возилото и да спречи незгода со пешак при брзини до 40 km/h, односно да ги ублажи повредите на пешак кога возилото се движи со брзина до 60 km/h. Euro NCAP ќе користи три различни сценарија: Возрасен пешак во одење, возрасен пешак во трчање и дете што ненадејно истрчува од зад паркиран автомобил.
