за

Електричниот Дефендер ќе се произведува во Словачка

Дефендер со погон на струја е дел од плановите на ЈЛР да пушти во продажба девет целосно електрични модели до 2030 година.

Јагуар Ланд Ровер (ЈЛР) потврди дека изведбата од својот Дефендер со погон на струја ќе ја произведува во новата фабрика во Словачка.

Британскиот производител на автомобили со долга традиција не посочи временска рамка во којашто планира да стартува со продажба на електричниот Дефендер.

Во новата фабрика во Нитра, Словачка, веќе се одвива редовното производство на изведбите на Дефендер со стандарни бензински и дизел мотори, со благ хибриден погон и со приклучен хибриден погон.

ЈЛР, според новите именувања позната и како „куќа на брендови“ (Дефендер, Дискавери, Рејнџ Ровер и Јагуар сега се марки, место модели), уште во почетокот на годинава најави дека ќе вложи 15 милијарди фунти за развој на електрични модели во следните пет години.

Во плановите е опфатен и целосно електирчен модел на Јагуар, што стартува со продажба во 2025 година.

Откако започна со работа во октомври 2018, во словачката фабрика во Нитра досега се произведени повеќе од 365.000 примероци од Дефендер и Дискавери.

Во своите британски фабрики во Солихал и Хејлвуд, ЈЛР до 2030 година ќе стартува со производство на шест модели со електричен погон од марките Рејнџ Ровер и Јагуар.

Со додавањето на изведбата Дефендер 130, во Нитра се работи во три смени, со продукција од 3.000 возила неделно.

Го следите нашиот видео канал на YouTube?

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Во Словенија за еден месец се продаваат автомобили колку во Македонија за девет месеци

Фолксваген годинава ќе го продаде последниот автомобил со мотор во Норвешка