Daimler ќе претставува нов модел на секои три месеци

Германскиот концерн Daimler најавува офанзива против конкуренцијата. До 2020 година ќе се претставува по еден нов модел на секои три месеци.

Daimler планира да се врати на врвот, пред конкурентите BMW и Audi. За овој план да се реализира, Швабите ќе претставуваат нов модел на секои три месеци до 2020 година. Вкупно 30 нови модели ќе се појават во претстојниот период, од кои 13 се комплетно нови моделски серии, без претходник во понудата на модели на Daimler.

За и бизнисот во Кина да напредува рапидно, концернот Daimler обезбеди учество со 12 проценти во акциите на Beijing Motor, односно BAIC, во вкупна вредност од 625 милиони евра. За прв пат странски производител на автомобили стекнува поголемо учество во кинески авто производител во државна сопственост.