Дарко Јаконов
Авто нацијата не вози само BMW, Mercedes и Volkswagen, туку сé почесто ѝ покажува верност на евтината марка на Renault. Од 2005 година, Романците продадоа 300.000 возила на најголемиот пазар во Европа.
Трендот се засилува уште повеќе во првите осум месеци од оваа година, со 33.000 возила од марката Dacia што прејдоа во рацете на Германците. Со пазарно учество од 1,56 проценти, Dacia е меѓу марките со средна застапеност на германскиот пазар. До крајот на август, романската марка продаде 32.810 возила на овој пазар, што претставува раст од 2,4 проценти во споредба со истиот период лани и исклучок од негативниот пазарен тренд.
