Кинескиот производител на електрични автомобили БИД планира својата прва фабрика во Европа да ја изгради во Унгарија, објави германски Франкфуртер Алгемајне Цајтунг.
БИД донел конечно решение за локацијата за фабриката што ќе ја гради во Европа, за локално да ги произведува своите електрични модели. Веста ја објави германскиот неделник Франкфуртер Алгемајне Цајтунг, повикувајќи се на неименувани извори што се упатени во случувањата во компанијата.
Владин вебсајт во Шензен, каде што е седиштето на БИД, во минатиот месец објави напис, во којшто се наведува дека унгарскиот премиер Виктор Орбан одржал средба со претседателот на БИД Ванг Чуангфу, при неговата посета на компанијата.
На прашањето од Ројтерс, БИД одговориле дека уште ја бараат вистинската локација и дека конечно ќе решат околу изборот пред завршетокот на годинава.
Унгарската влада не одговори веднаш на барањето од новинската агенција за коментар.
Потпретседателката на БИД, Стела Ли, во февруари кажа дека кинескиот производител на автомобили планира да произведува возила во Европа и дека се вршат истражувања за изводливоста на тие планови.
BYD became the first-ever Chinese automaker to participate in the Japan Mobility Show in its 47-year history.
The YANGWANG U8 displayed its tank turn, showcasing BYD’s innovative tech and superior craftsmanship to Japanese audiences. #JMS2023
Read more: https://t.co/D6qpXagmAa pic.twitter.com/dPjgQg3xEm
— BYD (@BYDCompany) October 27, 2023
Пазари за БИД во Европа се Германија, Франција, Обединетото Кралство и скандинавските држави. Компанијата има изградено фабрика за електрични автобуси во Унгарија, којашто беше пуштена во 2016 година.
Во Унгарија произведуваат уште Мерцедес-Бенц, Ауди и Сузуки. Новата фабрика на БМВ во земјата треба да стартува со производство на електричните модели од „ное класе“ во 2025 година.
