за

BMW го започна производството на новата серија 1 во Лајпцих

BMW serija 1 pocetok proizvodstvo
BMW serija 1 pocetok proizvodstvo

Од фабриката на BMW во Лајпцих излезе првиот примерок од новата серија 1. Синиот 118i е нарачан од купувач во Италија. Дневната продукција во следните месеци ќе се зголемува до 600 возила. Лајпцих е прва локација што ќе го произведува новиот модел во светската мрежа на BMW. Во ноември ќе започне и производството во Регенсбург.

Третата генерација на серијата 1 премина на преден погон. Фабриката досега стекнуваше искуство со предниот погон преку ванот Active Tourer од серијата 2.

При официјалниот почеток на испораката на 1-ви септември ќе бидат достапни два бензински и три дизел мотори, а може да се избира и изведба со погон на сите тркала.

Во ноември стартува и производството на Gran Coupe од серијата 2, како конкурент на Mercedes CLA

Претходните две генерации на серијата 2 исто така се произведуваа во Лајпцих. Таму моментно се произведуваат уште седум моделски серии на BMW: Купе и кабриолет од серијата 2, M2 Competition, Active Tourer од серијата 2, но и електричниот i3 и плагин хибридот i8, во купе и родстер изведба. Дневно се произведуваат по 1.000 возила.

Претходната генерација на серијата 1 се произведе во Лајпцих во 424.111 примероци. Заедно со продукцијата во Регенсбург, вкупната бројка изнесува 1.248.737 возила.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

toyota продажба хибриди швајцарија

Швајцарија првпат со повеќе од 10.000 хибриди за едно полугодие

Mercedes-Benz Citaro NGT

Мадрид нарача 672 автобуси со погон на метан Mercedes Citaro NGT