за

BMW i3 достигна 200.000 произведени примероци

Уште една прослава во фабриката на BMW во Лајпцих. Првиот електричен модел на групацијата, по седум години уште се продава одлично.

BMW i3 достигна 200.000 произведени примероци

Од фабриката во Лајпцих излезе 200-илјадитиот примерок од BMW i3. Компактниот електромобил со егзотични материјали за каросеријата наидува на растечка продажба и по седум години од стартот.

Славеничкиот примерок од првиот електричен автомобил на BMW е во посилната изведба i3s и лакиран е во флуид-црна металик боја, со детали во i-сина боја. Возилото е нарачано од клиент од Саксонија и ќе се испорача во филијалата на BMW во Лајпцих.

BMW i3 со 170 КС и BMW i3s со 184 КС се произведуваат единствено во Лајпцих за целиот светски пазар. Покрај тоа што беше пионерски чекор на Минхен во електромобилноста, i3 беше и прв сериски модел на Баварците со каросериска школка изработена од карбон. Школката се води како „Life-modul“ и се спојува со т.н. „Drive-modul“. Станува збор за алуминиумска шасија, што ги носи погонот, подвозјето и батеријата. Уште една мајсторија на BMW е тоа што изработката на i3 трае половина од вообичаеното време што е потребно за возилата со обичен погон.

Искуствата стекнати со BMW i3 понатаму се користеа за следните модели од подмарката BMW i, како и од матичната марка BMW и за Mini. Погонот од i3s се користи и во Mini Cooper SE, кој неодамна беше на тест во нашата редакција и од тоа произлезе мошне интересен материјал. Како што напредуваше технологијата, така и капацитетот на батеријата од 22,6 kWh во почетокот, денес се зголеми на 42,2 kWh. Со тоа се продолжи и досегот на 310 километри во реален циклус.

Електричниот погон на BMW моментно е во петтата генерација. Првите модели со новиот погон ќе бидат електричната купе-лимузина i4 и техно-кросоверот BMW iNext, кои стартуваат со продажба веќе в година. Групациајта до 2022 година ќе вложи вкупно 100 милиони евра во производството на батериски модули во Лајпцих.

>>> Електрично Mini пишува автомобилска историја во Македонија (1. дел)

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

cruise GM Автомобили без возач ќе се тестираат низ Сан Франциско

Автомобили без возач ќе се тестираат низ Сан Франциско

heico sportiv volvo xc60

Тјунерите прават Volvo да вози побрзо од 180 km/h