за

Автомобили без возач ќе се тестираат низ Сан Франциско

Фирмата Cruise, како дел од концернот General Motors, наскоро започнува со тестирање на автономно возење, без надзор од возач.

cruise GM Автомобили без возач ќе се тестираат низ Сан Франциско

Градскиот сообраќај е најголем предизвик за технологијата на автономно возење. Фирмата што е специјализирана за оваа технологија во рамките на General Motors, уште во текот на годинава ќе пушти таканаречени роботски автомобили да сообраќаат низ улиците на Сан Франциско.

Специјалистот за роботски автомобили на американскиот концерн General Motors, уште во текот на годинава ќе ги пушти првите автомобили без т.н. безбедносен возач зад воланот по улиците на Сан Франциско. Со тој чекор, Cruise ќе биде првата компанија од оваа сфера што ќе користи автоматизирани возила во хаотичен сообраќај на една метропола, без возач зад воланот. Cruise веќе неколку години тестира во калифорнискиот град со возен парк од модифицирани примероци од електричниот модел Chevrolet Bolt.

Waymo, посестринска компанија на Google, како и специјалистот за роботизирани возила Zoox, што сега е дел од Amazon, претходно обезбедија лиценци да ја тестираат технологијата користејќи автомобили без возач зад воланот. Во предградие на Феникс во Аризона, Waymo веќе има пуштено такси со роботски автомобили и уште пред Cruise најави дека нејзините возила наскоро ќе почнат без возач да превезуваат патници. Сообраќајните услови во градот Феникс, исто како и климата, сепак многу повеќе одговараат за роботските возила, отколку што тоа е случај во Сан Франциско.

Cruise уште лани планираше да започне со своето роботско такси, меѓутоа планот тогаш се одложи на неодредено време.

>>> Роботски автомобил доставува лекови во Хјустон

Nuro Роботски автомобил доставува лекови во Хјустон

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Mercedes-Benz EQC 4x42

Овој Mercedes исто како да има 16 тркала и вози на струја

BMW i3 достигна 200.000 произведени примероци

BMW i3 достигна 200.000 произведени примероци