Во следните години марката од Минхен ќе се посвети на каросериите што се измислени за уживање во возењето, особено при убаво време. Според тоа, иднината на BMW не предвидува само спортски теренци и ексцентрични модели скроени од неколку различни каросерии, туку и класични форми, како кабриолети и купеа.
Принципот е познат: Со изведувањето на повеќе каросериски изведби од една иста платформа се смалуваат трошоците за развој на истата, односно како втора опција, за истите пари може да се направи уште подобра техника.
Во серијата 2, по две години ќе има кабриолет. Посебноста ќе биде во тоа што идната серија 1 ќе има преден погон, додека серијата 2 ќе го задржи задниот погон од актуелната Единица. Тоа значи дека поскапите верзии од серијата 2 во иднина ќе ја користат старата техника. Во споредба со серијата 1 ставен е поголем нагласок на носот и на линиите, со што возилото изгледа попластично и помоделирано.
Купето од серијата 2 ќе биде крунисано со модел М. Неговите перформанси ќе бидат уште поубедливи од оние на топ моделот M235i, за да се оправда ознаката М2. Високата моќност ќе се обезбеди со користење на компоненти од идниот М3. BMW уште не открива официјално кога ќе биде стартот на серијата 2, но треба да се очекува тоа да се случи уште догодина.
Купето од серијата 4 го има на визир Audi A5 и ги користи традиционалните белези на купеата на BMW, како долга хауба, кус опаш, наназад поместена кабина и нагласени задни крила. Предниот дел се раководи според актуелната серијата 3, со таа разлика што предимензионираните отвори за воздух во браниците визуелно го рашируваат возилото.
Чекањето е најдолго за новиот Z4, чија премиера се очекува најрано во 2015 година. Останува ориентацијата на комфор, како кај сегашниот модел. Кој сака вистинско чувство на родстер, во иднина ќе може да го избере помалиот и поевтин Z2.