BMW е најдобра марка според клубот АДАК

Германците не веруваат, туку проверуваат. Според клубот АДАК, најдобра марка e BMW, за влакно пред Audi и претходно првопласираниот Mercedes. Разликите се сепак маргинални.

Најголемиот клуб на возачи во Европа ги оценува имиџот и продажбата на производителите на возила што се застапени во Германија уште од 2001 година. Оцената произлегува од повеќе критериуми, меѓу кои имиџ, продажба, задоволство на клиентите, квалитетот на моделите, односот кон животната средина и безбедноста.

Меѓу десетте најдобро пласирани марки се случија повеќе промени во споредба со последната студија од пред половина година. Porsche и Lexus се подобрија, додека Skoda и Subari паднаа неколку места. Единствена нова марка во топ 10 е Jaguar. Британската марка профитираше најмногу од промената во оценувањето. Место да се користат фабричките податоци за емисијата на СО2, клубот сега ја зема во предвид реалната потрошувачка што е постигната на еко тестот на АДАК. Меѓу десетте најдобри марки повеќе не е Toyota, поради влезот на Jaguar. Таа сега е на 12-то место.

Најчитано

Холограм со Peugeot 408 лебди во трговски центар во Виена

Поради растот на продажбата, марката Jeep за прв пат се најде на списокот на најдобри марки. Но, американската марка специјализирана за теренски возила за жал се најде само на последното место на списокот. Според клубот, „добрите продажни резултати се недоволни за висок пласман на листата на најдобри марки.“