Дарко Јаконов
Поради имитацијата што ја користел добавувачот од Кина, престижната марка мора да ги повика во сервис речиси сите возила произведени од 2008 година наваму.
Брзата марка од островот мора да интервенира кај 75 проценти од нејзините возила што се произведени во периодот од 2008 година до денес. Проблемот се однесува на пластичниот одливок во педалот за гас кој што може да се скрши поради неквалитетен материјал. Досега не се забележани незгоди предизвикани од дефект на делот.
Кинескиот добавувач Shenzhen користел имитација на пластиката од DuPont за механизмот на педалот. Повикот се однесува на сите модели со исклучок на Vanquish, Vanquish Volante и Cygnet. Сервисната интервенција трае помалку од еден час. Aston Martin веќе планира во најкус рок да го пресели производството на одливката за механизмот на педалот за гас од Кина во Велика Британија.
