Љубителите на возењето на две тркала отсега можат да уживаат во модел на AMG. Но, уживањето кај AMG секогаш чини многу, без разлика на бројот на тркала. Велосипедот се продава за 6990 евра.
Спортската марка на Mercedes започна соработка со Rotwild, производител на врвни велосипеди. За почеток на соработката е изработен маунтинбајк во ограничена серија, кој чини 6.990 евра и бојадисан е по пример на Mercedes A 45 AMG Edition 1. Велосипедот е изработен рачно, има карбонска рамка и амортизација на обете тркала. Рамката е бојадисана во бело, а задната вилушка во мат црно, со детали во графитно сива и црвена боја.
