Дарко Јаконов
Големи имиња во фабричката постава на Alfa Romeo на прочуената 1000 Miglia, којашто учесниците денес ќе ги донесе повторно до појдовната точка на трката. Модели на Alfa Romeo на трката се 6C 1500 Super Sport од 1928 година, 1900 Sport Spider од 1954 година и 1900 Super Sprint од 1956 година.
Енцо Ферари своевремено ја оцени славната 1000 Miglia како „најубава трка во светот“. Годинешното 40-то издание стартуваше на 15-ти јуни во Бреша, каде што учесниците денес ќе ја заокружат рутата и ќе го одбележат завршетокот на трката. Половина трка, половина авантура, годинава на 1000 Miglia учествуваат преку 400 бесценети историски автомобили, од кои дури 118 им припаѓаат на четирите италијански марки на концернот Stellantis, на Abarth, Alfa Romeo, Fiat и Lancia.
Вообичаено, Alfa Romeo е ѕвезда на настанот, не само поради своите 50 возила, што е повеќе отколку која било друга марка. Три возила се од сопствената колекција на миланската марка и обично се гледаат во музејот на Alfa Romeo во Арезе: 6C 1500 Super Sport од 1928 година, 1900 Sport Spider од 1954 година и 1900 Super Sprint од 1956 година.
Тимот во автомобилот што победи на изданието во 2019 година, Alfa Romeo 6C 1500 Super Sport, го сочинува двојката Џовани Мочери и Валериа Дичембре, кои се воедно и двојка во спортот, во животот и во нивната професија како педијатри. Во 1900 Super Sprint се претставници од Alfa Romeo Manufacturing, тоа се Франческо Пироци и Кристина Поста. Спортската коментаторка и возачка во дамската Formula W, Вики Пириа, вози 1900 Sport Spider, заедно со Алуни Брави, директор на Sauber Motorsport.
The third leg, one of the most fascinating but also one of the most challenging of the entire Race, ended in Parma. After the last two Time Trials of the day, the cars ended the Race on the legendary Cisa Pass whose hairpin bends hosted Enzo Ferrari’s first race as a driver. pic.twitter.com/QnbkUt4Itc
— 1000 Miglia Official (@millemiglialive) June 18, 2022
Трите автомобили се под посебна заштита како дел од историското наследство на Alfa Romeo. Овие бесценети автомобили ќе ги предводи новата Alfa Romeo Tonale, која штотуку стартуваше во салоните на најголемите европски пазари на марката.
