Дарко Јаконов
Само во фабриките на концернот Volkswagen за производство на делови за сите марки од истиот, што се наоѓаат во Германија, до 2026 година ќе се вложат 2,3 милијарди евра во елеткричен погон. Тоа е половина од вкупната инвестиција на Волфсбург.
Електричните автомобили на Volkswagen веродостојно ќе го носат печатот „Made in Germany“. Со стартот на производството на ID. Buzz, германските фабрики за изработка на компоненти се вклучија во изработката на важни делови со висока технологија за новиот модел на струја. Во погоните во Брауншвајг, Касел, Залцгитер и Хановер, главно се произведуваат батерискиот систем, електричните погонски модули и делови од подвозјето.
Синџирот од фабрики за производство на компоненти за сите возила на концернот, Volkswagen Group Components, денес ги развива и произведува главните компоненти за сите електрични модели на концeрнот, од Cupra Born до ID. Buzz. Германските фабрики се предводница во производството, а по нив следат фабриките ширум Европа, во Кина и во САД.
Volkswagen Group Components е целосно одговорна за монтажата на предната и задната оска на ID. Buzz и ID. Buzz Cargo во Хановер. Во фабриката во Касел се произведува електричниот погон за сите модели што ја користат платформата MEB. Таму во иднина ќе се произведува и контролната електроника за електричниот погон. Во Брауншвајг се развиваат и се изработуваат батериските системи, како и софтверот за нив. Залцгитер ги изработува роторот и статорот за електричниот погон. Оттаму во иднина централно ќе се снабдуваат со батерии сите фабрики на Volkswagen во Европа. Во 2025 година, во Залцгитер ќе почне со работа и првата гигафабрика за батериски ќелии на концернот.
🗨️ “Batteries and software are the key value drivers for the future of mobility. That's why #VWGroup is transforming Europe by electrifying plants and building software skills with @cariad_tech", said our CEO @Herbert_Diess at #WienerElektroTage in Vienna. pic.twitter.com/KW1rJxxn4B
— Volkswagen Group (@VWGroup) June 17, 2022
Volkswagen со два специјални ID.Buzz на празнувањето на Војна на ѕвездите
