за

Alfa Romeo Giulia QV најдобра за возбуда според What Car

Alfa Romeo Giulia Quadrifoglio ја понесе титулата на најдобар автомобил со високи перформанси за возбуда, во изборот на автомобил на годината на магазинот What Car.

Втора година во низа, Alfa Romeo Giulia Quadrifoglio е највозбудлива возачка машина во изборот на автомобил на годината на високотиражниот британски магазин What Car. И времето е погодено, Quadrifoglio годинава одбележува еден век постоење.

Alfa Romeo Giulia го постигна за марката тоа за што беше наменета, а веројатно и повеќе. Нејзината мисија беше да ја потсети сцената дека во 1960-те и 1970-те години, Alfa Romeo уште беше спортската марка со којашто останатите се мереа, дали се доволно добри.

Годинава е важна за Quadrifoglio, историската значка, што првпат се појави пред сто години, значи во 1923 година, на 14-то издание на Тарга Флорио. Специјална верзија „Corsa“ од новиот модел RL беше подготвена посебно за настанот. Во тоа време се експериментираше многу, но и се внимаваше на секој детал во техниката.

Но, колку што беше важно инженерите да си ја завршат работата добро, важно беше и да се повика малку среќата на своја страна. Затоа на хаубата на RL беше нацртана детелина со четири листови. Секако дека автомобилот победи на трката, а марката Alfa Romeo се катапултираше во самиот врв меѓу производителите на автомобили. Оттогаш, Quadrifoglio е дел од секој тркачки настап на Alfa Romeo.

(Фото: What Car?)

Стив Хантингфорд, ценетиот уредник на What Car?, ја величи Alfa Romeo Giulia Quadrifoglio: „Додека некои автомобили со високи перформанси се обидуваат да го премостат расчекорот меѓу перформансите, трошоците и практичноста, Alfa Romeo Giulia Quadrifoglio бесрамно посегнува по едно нешто, повеќе од било што: Насмевки по милја. Голем дел од нејзината привлечност лежи во бурнито 2,9-литарски V6, којшто обезбедува јасна звучна придружба, посебно во режим за трка. Уште повеќе се издвојува управливоста на Quadrifoglio, со одушевувачка агилност и со прекрасен природен баланс, што ти дава доверба да ги истражиш нејзините граници.”

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

ДХЛ останува партнер на Формула Е и во ерата на Gen3-болидите

Хибридниот Citroen C5 Aircross сега и во основна верзија со 180 КС