Дарко Јаконов
Компанијата за батериски ќелии за автомобили, Automotive Cells Company (ACC), избра компанијата Comau од Торино да ги проектира и развие производствените линии за батериски модули, за фабриката што се гради во францускиот град Дуврeн.
ACC, заедничка инвестиција на Stellantis, Mercedes-Benz и TotalEnergies, планира проект вреден над 7 милијарди евра, за изградба на три гигафабрики во Франција, Германија и Италија. Капацитетот на секоја фабрика одделно ќе изнесува по 40 GWh. Проектираниот капацитет се планира да биде постигнат до 2030 година. Целта е да се подржи растечката продукција на електрични возила.
Со договорот се предвидува, Comau, огранок на Stellantis што е специјализиран за роботика, да му испорачува на ACC експертиза и опрема што е потребна за автоматизација на производството на батерии за електрични возила. Планот е да се произведуваат модули и со 8 и со 16 ќелии.
Петте производствени линии што ќе ги проектира Comau, ќе овозможат француската гигафабрика на ACC да произведува до 8 GWh на годишно ниво до завршетокот на 2024 година. Со договорот се гарантира користење локална технологија, помошна опрема и компоненти.
Volkswagen Group вложува 10 млрд. € за Шпанија да стане центар на електромобилноста
