за

9-степен автоматски менувач за класата Е на Mercedes

Освеженото моделско годиште на класата Е доби автоматски менувач со девет степени, кој прво ќе се нуди само во изведбата E 350 Bluetech, а потоа и во останатите модели од понудатa на Mercedes.

Менувачот со девет степени е сопствена конструкција на Mercedes и засега се нуди само во комбинација со еден мотор, односно со трилитарскиот дизел со 252 КС во моделот E 350 Bluetech. Според актуелниот ценовник, оваа моделска изведба на нашиот пазар е достапна за 62.740 евра и стандардно е опремена со автоматикот 7G-Tronic. За деветстепениот менувач нема да се доплатува, цената на моделот не се менува. Освен во лимузината, деветстепениот автоматик е достапен и во комби изведбата, но не и во кабриолетот и купето од класата Е.

По премиерното вградување во E 350 Bluetech, менувачот со девет степени ќе почне постепено да се воведува и во останатите модели од гамата на Mercedes, доколку ги исполни очекувањата. Прво се планира негово воведување во другите модели од класата Е, а потоа и во класата S. Деветстепен автоматски менувач моментно нуди само уште Jaguar Land Rover на американскиот пазар, а тој е производ на германскиот специјалист ZF.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Теренецот нa Bentley доаѓа во 2016 година

Малку „Бела Италиа“ за стотиот роденден на Aston Martin