за

40-годишнина на Golf на најголемиот салон на олдтајмери

Точно на денешен ден пред 40 години се симна првиот Volkswagen Golf од производствените ленти во Волфсбург. Датумот се поклопи со најголемиот салон на олдтајмери. Посетителите на Техно Класика во Есен ќе пробаат од роденденската торта.

Посебно за одбележувањето на 40-годишнината за време на одржувањето на салонот Техно Класика во Есен, музејот на Volkswagen изложи примерок на Golf од 1975 година. Намерно не е изложен примерок од првото годиште на моделот: „Изложеното возило е модел од раната серија на Golf I. Денес се останати само малку примероци од овој тип со хромирани браници. Еден од овие примероци на Golf учествуваше на 94-дневниот маратон од Аљаска до Огнената Земја во должина од 30.000 километри. Ова е модел од првата серија и излоќен е во музејот во Волфсбург, со траги од годините и со гребаници“, објаснуваат од Volkswagen.

На Техно Класика се одбележуваат и 58 годин на Бубата. Во изложената колекција се наоѓаат возилото од Миле Миља во 1956 година, филмската ѕвезда од Херби од 1960 година и легендарниот тркачки модел од релито Салцбург во 1971 година. 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Triumph ги претстави новите крузери

Volvo Trucks продава недвижнини за спас од кризата