за

Шпанија одвојува нови 175 милиони евра за замена на старите автомобили

Шестпати по ред шпанската влада продолжува со субвенционирање на купувањето нови автомобили со по 2.000 евра по возило. Продажбата во мај резултираше со пораст од 17 проценти.

Шпанската влада одвои нови 175 милиони евра за да овозможи сопствениците на стари автомобили да ги заменат своите возила со нови. Програмата Pive предвидува субвенција во висина од 2.000 евра при купувањето нов автомобил. Половината од субвенцијата паѓа на товар на владата, другата половина на производителите на автомобили.

Во минатиот месец продажбата на нови возила на шпанскиот пазар забележа пораст од 17 проценти, што се должи првенствено на програмата за субвенционирање на купувањето нови возила. Пазарот расте веќе девет месеци во континуитет и првичната прогноза за 820.000 продадени возила до крајот на годинава се коригираше на 850.000 возила.

Субвенцијата е дел од поширокиот пакет на мери за поттикнување на економијата што предвидува вкупно 6,3 милијарди евра и вклучува мери за унапредување на шпанската индустрија, истражувањето и развојот, заштедата во енергетиката и транспортот.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Прв споредбен тест на Mercedes C, BMW 3 и Audi A4 во Auto Bild

Corvette Z06 ќе игра во највисоката лига