На овој тест на гуми може да се верува. По скандалот со наместениот избор на автомобил на годината, најголемиот автоклуб во Европа мора да ја поврати довербата. Тестов е чист 100%.
Автомобилската јавност се вџаши откако во почетокот на оваа година избувна скандалот со наместениот избор на автомобил на годината на клубот ADAC. Институцијата на која што сите ѝ веруваа, за миг се претвори во дувло на лаги и местенки. Паднаа сомнежи дека биле наместени и тестовите на гуми, коишто најголемиот автомобилски клуб во Европа ги врши веќе со децении. Според гласините, некои производители му испорачувале „фризирани“, односно посебно подготвени гуми на клубот. Во последниов тест на гуми, ADAC не е оставен сам, туку неговите резултати се споредувани паралелно со резултатите на светски познатата германска институција „Штифтунг Варентест“, која тестира сé што се продава на пазарот.
Ниту една гума не ја заслужи највисоката оцена годинава
На тестот на ADAC за оваа година се најдоа вкупно 33 модели на гуми. За тестот беа избрани двете најпродавани големини на гума. Поголемата димензија 195/65 R15 ја користат првенствено моделите во компакт и средната класа, како Citroen C4, серијата 3 на BMW или Opel Astra, додека димензијата 175/65 R14T повеќе е вообичаена за градските автомобили како Fiat Panda, Toyota Yaris и Ford Fiesta.
Во категоријата на помалите гуми, најдобро поминаа гумите од Continental, Hankook, Pirelli, Bridgestone, Falken и Nokian. Моделите на овие марки добија оцена „многу добро“. Тестовите открија неколку слабости кај гумите на Firestone, Michelin, Barum, Goodyear, Semperit и Vredestein. Соодветно на тоа, за нив следува само оцената „добро“. Поради проблемите на сув асфалт и на влажна подлога, Avon ZT5 успеа да мине на тестот само со оцена „доволно“, додека гумите на Debica, Kormoran и Kleber разочараа апсолутно на влажна подлога и не добија преодна оцена.
Гумите за средната класа имаат проблем со абењето
Кај 195-те особено се издвојуваат гумите на Goodyear, Dunlop, Hankook, Fulda, Nokian, Pirelli и Vredestein. Наспроти тоа, моделите од Semperit, Kumho и Michelin стасаа само до „добра“ оцена, поради помалите проблеми на влажна подлога. Проблеми со абењето, пак, имаат гумите во оваа димензија од Yokohama, Bridgestone и Continental. Поради тоа, експертите им ја скусија завршната оцена на „доволно“.
На Conti Premium Contact 5 само за влакно не ѝ успеа да биде единствена гума на тестот со највисоката оцена „одлично“. Управливоста и сопирањето на влажно на Conti се одлични, но проблем е поголемото абење на газечката површина. Истата судбина ја доживеа и Bridgestone, со намалување на крајната оцена заради поголемото абење. Тоа се покажува како заеднички проблем на повеќето гуми во оваа димензија на тестот. Од петте најдобри модели на дожд, три добија намалена оцена поради абењето.
Новиот партнер во тестовите на ADAC ја потврдува компетентноста: Според „Варентест“, некои гуми во оваа година постигнаа подобри оцени во управливоста и сопирањето на влажна подлога отколку на претходните тестови, но затоа попуштија во отпорноста на трошење, односно во издржливоста. На експертите им е кристално јасно: „За да се постигне добро држење на влажно, потребна е мека гума.“ Проблемот е тоа што меката гума се троши побрзо. Гумите Apollo Alnac 4G добија оцена „доволно“, додека Federal Formoza заслужи да биде оценета само со „недоволно“.
Победничките гуми се меѓу поевтините модели
Победник во помалата димензија е Continental ContiEcoContact5. Кај поголемите гуми, првото место ии припаѓа на Goodyear EfficientGrip Performance. Со тоа, на последниов тест се покажа дека добриот квалитет не мора секогаш да биде скап.
Оцени на тестот за гуми со димензија 195/65 R 15 V
Многу добро
|
Goodyear Efficient Grip Performance
Dunlop Sport BluResponse Hankook Kinergy Eco K425 Fulda EcoControl HP Nokian Line Pirelli Cinturato P1 Verde Vredestein Sportrac 5
|
Добро | Semperit Speed-Life
Kumho EcowinG ES01 KH27 Yokohama BluEarth AE01 Michelin Energy Saver+ Bridgestone Turanca T001 Continental Premium Contact 5 Nexen N blue HD High Performer Sport HS3
|
Доволно | Apollo Alnac 4G
|
Недоволно | Formoza FD2 |
Оцени на тестот за гуми со димензија 175/65 R 14 T
Многу добро
|
Continental EcoContact 5
Hankook Kinergy Eco K425 Pirelli Cinturato P1 Verde Bridgestone Ecopia EP 150 Falken Sincera SN832 Ecorun Nokian Line
|
Добро | Firestone Multihawk
Michelin Energy Saver+ Barum Brillantis 2 Vredestein T-Trac 2 Goodyear Efficient Grip Competition Semperit Comfort-Life 2
|
Доволно | Avon ZT5
|
Недоволно | Debica Passio 2
Kormoran Impulser b2 Kleber Dynaxer HP3 |