за

Теренец на база на VW Polo доаѓа во 2016

Теренецот на база на Polo добива приоритет наспроти Taigun. Конкуренцијата дополнително се вжештува со Honda HR-V и Mazda CX-3

Шефовите во Volkswagen дадоа зелено светло за мини теренец на база на Polo. Новиот модел ќе им се спротивстави на Nissan Juke и Renault Captur.

Уште неиуменуваниот мини теренец на Volkswagen ќе се позиционира под Tiguan и ќе ја користи модуларната платформа MQB. Моделот на база на Polo ќе се нуди само во верзија со преден погон, користејќи ги истите мотори како сестринските модели од Seat и Skoda. Германците планираат во иднина да имаат најмалку по еден теренски модел во секој сегмент, вклучувајќи и неколку деривати. Главни пазари за теренскиот Polo, покрај европскиот, ќе бидат Кина и Јужна Америка.

Наскоро ќе стане многу густо во класата. Во лето пристига новата генерација на Honda HR-V
Наскоро ќе стане многу густо во класата. Во лето пристига новата генерација на Honda HR-V

Конкуренцијата во класата се зголемува постојано и годинава се очекува старт на продажбата на Honda HR-V и Mazda CX-3. Претходно Volkswagen планираше да го пушти мини-теренецот Taigun на база на Up како најмалечок модел, но проектот сега е ставен во мирување. Приорирет добива моделот на база на Polo, којшто ќе има премиера в година, заедно со новите генерации на Touareg и Tiguan. Покрај тоа, во САД ќе стартува серискиот модел со седум седишта од средната класа, произлезен од студијата CrossBlue, а потоа и неговата купе изведба Cross Coupe GTE.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Купување користено возило: Листа на проверки на Automedia

Против загадувањето на воздухот: Рим без автомобили во недела