Во понеделникот излезе 42-милионитиот автомобил од фабриката на Volkswagen во Волфсбург. Јубилејниот модел е хибриден Golf GTE со системска моќност од 204 КС.
Во фабриката во Волфсбург моментно се произведуваат стандардниот Golf, ванот Golf Sportsvan, електричниот e-Golf, хибридниот Golf GTE, како и ванот Touran и компактниот теренец Tiguan. Дневниот капацитет изнесува преку 3.800 возила. По десет години од почетокот на производството, во 1955 година од Волфсбург излезе милионитата „буба“. До 1974 година тука се произведоа вкупно 11.916.519 примероци од легендарниот модел на Volkswagen. Во истата година започна и производството на Golf, чиешто име денес го носи цела класа возила. Првиот милион примероци од Golf беше достигнат по само две години од почетокот на производството, а во 1988 година беше одбележан и десетмилионитиот примерок.
Во 1990-те години производствената палета беше проширена со моделите Polo и Lupo. Јубилејот на 25-милиони „голфови“ беше одбележан во 2007 година, трисеттиот милион падна во минатата година. Во Волфсбург се произведувале преку 20 различни модели, меѓу кои Passat, Audi 50, Audi 80, Audi 100, Jetta, Bora, Golf Variant и SEAT Arosa.
