Со 142.994 продадени возила глобално во септември, германската марка забележа раст од 16 проценти во споредба со ланскиот месец. За тоа најмногу придонесе продажниот бум во Азија.
Daimler постигна рекордна продажба во септември. Во минатиот месец се продадоа 142.994 нови возила од марката Mercedes на глобално ниво, што е историски рекорд за септември. Во споредба со ланскиот септември продадени се речиси 16 проценти повеќе возила. За целиот трет квартал, Mercedes има плус од 18 проценти, со 368.201 возила.
За рекордниот резултат особено придонесе бумот во Азија, каде што Mercedes забележа раст во продажбата од 26 проценти, со 39.000 возила. Најбарани се моделите од освежената класа Е и компактните модели.