Италијанците продолжуваат да го прошируваат семејството на Fiat 500. Последната верзија е кросовер во класата на Renault Captur, со моделско име 500X. Основата е од Jeep Renegade.
Кросовер со италијански дизајнерски потпис е тоа што недостигаше да внесе свежина во популарниот сегмент. Fiat 500X е развиван заеднички со новиот Jeep Renegade, но во споредба со него, повеќе е ориентиран кон урбано парадирање, отколку за автомобилски вратоломии по теренот. Повеќето изведби се достапни со погон само на предната оска, додека погонот на сите тркала и новиот деветстепен менувач се резервирани за посилните и поскапи модели. Палетата на мотори за кросоверот долг 4,25 метри се движи во дијапазон на моќност од 95 до 170 КС. Повеќе детали за Fiat 500X можете да прочитате тука.
