Во 2015 година се очекува новиот Pajero. Култниот теренец ќе се нуди и во изведба со хибриден погон. До 2020 година околу 20 проценти од продажбата на Mitsubishi ќе отпаѓа на хибридни модели.
Со претставувањето на концептниот автомобил GC-PHEV на последниот салон во Токио, Mitsubishi го најави скорото пристигнување на новата генерација на Pajero. Тоа ќе се случи веќе в година. Серискиот модел ќе користи само неколку детали од дизајнот на авангардниот концепт, но затоа целосно ќе го преземе неговиот хибриден погон.
Тешкото карданско вратило станува непотребно
Технологијата во хибридната верзија на Pajero ќе биде чекор над актуелниот Outlander PHEV, со 3,5-литарски бензинец, два електромотора и со нова генерација на куќниот погон на сите тркала S-AWC. Со директното поставување на вториот електромотор на задната оска ќе се избегне потребата од примена на тешко и инертно карданско вратило до задните тркала, а распределбата на вртежниот момент меѓу двете оски ќе се врши пофлексибилно и побрзо преку електронска контрола.
Јапонците очекуваат дека 20 проценти од продажбата во одделните моделски гами ќе отпаѓа на верзии со хибриден погон до 2020 година. Првиот чекор е Outlander PHEV, кој веќе постигнува одлични успеси на пазарот, особено во еколошки совесната Скандинавија и на економски помоќните пазари во Европа.
Наследникот на ASX доаѓа во 2016 година
Една година по премиерата на Pajero ќе следува и новата генерација на кросоверот ASX, во стил на концептниот автомобил XR кого што Mitsubishi исто така го претстави лани во Токио. Наследникот на популарнот ASX ќе се нуди и во хибридна верзија, но само со преден погон. Хибридниот систем ќе биде поедноставен од оној во Outlander, за цената на возилото да се задржи во вообичаените рамки. Освен во хибридна изведба, серискиот XR ќе биде достапен и со класични бензински и дизелски мотори. Концептите XR и GC PHEV ќе бидат прикажани и на претстојниот салон во Женева, во март.