Дарко Јаконов
Новата варијанта со ретина дисплеј и процесор од 4 GHz на тестирањата на Mac & i го остави зад себе дури и најбрзиот и најскап Mac Pro.
Конфигурацијата по нарачка на новиот iMac во многу подрачја е најбрз Mac на сите врамиња. Тоа се потврди на тестот на Mac & i. Резултатот изненадува дотолку повеќе што топ варијантата со процесор Core-i7, графичка картичка Radeon R9 M295X (AMD) и 5К-дисплеј со ултрависока резолуција чини само 100 евра повеќе од најевтиниот модел во серијата Mac-Pro, којшто со 4 јадра и 3,7 GHz се продава за околу 3.000 евра.
iMac се покажа супериорен над Quad-Core-Mac-Pro на сите тестови коишто профитираат од високиот работен такт на процесорите, односно во програмите како Photoshop, Mathematica, iTunes, QuickTime, но и во игрите како Batman Arkham City или Dirt**II. Наспроти тоа, Mac Pro профитира од поголемиот број јадра (зависно од моделот 6, 8 или 12) во програмите што се способни за повеќе процеси, како Cinema 4D, како и од супербрзите SSD на тестовите што ја оптоваруват матичната плоча. На крајот, скапите варијанти на Mac Pro сепак се покажаа послаби од 5K-iMac што се конфигурирани по нарачка.
