На Mercedes му проработе ѕвездата: Рекорди 50 месеци по ред

Во минатиот месец Mercedes постигна рекордна продажба од 180.599 возила низ светот. Тоа е веста што се повторува веќе подолго од четири години. Новата E-Class го оправдува епитетот на столб на марката. Над 250.000 примероци од стартот на продажбата.

Априлската проджба не донесе ништо „ново“ за Mercedes. Со повеќе од 180.000 продадени примероци и раст од 10 проценти, марката со сребрената ѕвезда си постави нов рекорд – исто како во претходните 49 месеци. Од почетокот на годинава светот доби 741.224 нови автомобили од Mercedes (+14,5%). Во минатиот месец, „мерџо“ беше најпродавана премиум марка во Германија, Велика Британија, Шпанија, Швајцарија, Португалија, Јапонија, Австралија, Тајван, САД и Канада.

Најпродаван модел е C-Class, со 33.666 примероци, вклучувајќи ја и продолжената изведба којашто е наменета исклучиво за пазарот во Кина. Столбот на марката, E-Class, следи со 28.827 примероци и 52,4% раст во споредба со ланскиот април. За една година, низ светот се продадоа над 250.000 примероци од лимузината и комбито.

Рекорди не изостануваат и кај теренците, кои од почетокот на годинава постигнаа 59.729 продажби (+5,5%). Најголем удел во овој успех има GLC, а поттик се очекува и од новиот GLA, чијашто продажба на европскиот пазар стартуваше минатиот месец.

Продажба на Mercedes-Benz Cars