Супермен може да лета и за разлика од Бетмен нема потреба од Бетмобил. Chrysler смета дека хероите од филмското платно сепак мора да имаат свои возила и го снабди суперхеројот со суперавтомобил.
Суперчовекот не се служи со висока технологија за да го заштити човештвото од злоделата и по тоа се разликува од Бетмен или од Ајронмен. Место електронски помагала и трикови, Супермен ги користи својата натчовечка сила и храброста. Ако постои автомобил што одговара совршено на овој карактер, тогаш тоа може да биде само Ram 1500. Во последното продолжение на серијалот, Супермен ќе го вози овој пикап на Chrysler.
Уникатот е бојадисан мат сиво, со покрив во сјајно црно боја, а место овенот, на предната маска се гледа доминантното лого на Супермен. Внатрешноста го следи стилот, со големо С на седиштата и со детали бојадисани во црвено. Откако филмот ќе почне да се прикажува во кино салите, пикапот ќе се понуди на наддавање, а средствата до тоа ќе бидат донирани во хуманитарни цели.