Нов автомобил вреден стотици илјади евра што изгледа како штотуку да е пронајден во запуштена шупа? Фирма за раководење со големи возни паркови го нарача овој „стил“ и си направи одлична реклама.
Првиот впечаток може да биде лажен впечаток. Така е во случајот на овој Porsche, кој изгледа како неколку децении да оставиле трага врз него, но фактички станува збор за сосема нов Porsche 911 Turbo. Уникатот е изработен по нарачка на германската фирма Fleetpool и наменет е за маркетиншки цели.
Fleetpool е фирма со седиште во Келн и основна дејност раководење во големи возни паркови и измајмување возила за индивидуални корисници, со сопствен возен парк од 450 возила. Тоа што е посебно за оваа фирма е малата серија возила што со изгледот се издвојуваат во секојдневната улична слика. Клиентите обично ги користат овие возила како декор на прослави и секаков вид манифестации.
Новиот примерок во специјалната серија се издвојува дополнително, со изгледот на тркачки автомобил за 24-часовна трка, оставен да го нагриза времето. Но, ентузијастите на моделот и воопшто на автомобилизмот не мора да паничат. Тоа што изгледа како избледен лак и кородирани места на каросеријата е само фолија, дизајнирана да изгледа верно. За печатењето и поставувањето на фолијата беше задолжена фирмата Signal Reklame, актуелен европски шампион во фолирање автомобили.