Дарко Јаконов
Колку што е познато, Корејците не слават Велигден, но се чини како и тие да се подготвуваат да го одбележат големиот празник. Hyundai претстави студија која што изгледа како јајце и неодоливо потсеќа на модерните јајцеварачки што можат да се сретнат во многу кујни. Жолтиот јајцемобил за превоз на едно лице е резултат од интерниот идеен конкурс за градски автомобил на иднината.
Познато е дека јајцето не стои исправено, па затоа одзади излегуваат две ножиња со помошни тркала, како кај детски велосипед. За погонот се грижи тркалото под јајцето. Возачот управува, сопира и забрзува исто како со Segway, со поместување на телото. Крајната брзина е 30 km/h. Со тежината од 80 килограми, јајцето може да се превезува и во автомобил.
