за

Јапонска мини офанзива: Suzuki Celerio ќе биде новиот Alto

Suzuki ќе ја прошири понудата со малечок автомобил позицониран меѓу Alto и Swift. Продажбата стартува во втората половина на годината, европската премиера е следниот месец во Женева.

Јапонскиот специјалист за мини и теренци ќе воведе трет модел во својата понуда на малечки автомобили. Азиската верзија на моделот Celerio штотуку доживеа премиера на салонот во Њу Делхи, а во следниот месец ќе следува и европската варијанта на салонот во Женева. Новиот модел има поголема кабина и поголем багажник во споредба со познатиот Alto, но ќе има класичен концепт и со тоа ќе се разликува од вановскиот Splash.

Suzuki Celerio_2

Производителот најавува значително подобрена штедливост во споредба со познатите модели – иако ниската потрошувачка е едно од клучните обележја на мини моделите на Suzuki. Деталите околу техниката и цените на моделот ќе бидат објавени дури по салонот. Продажбата треба да стартува во втората половина од 2014. Иако концепцијата на Celerio и Alto е слична, во почетокот обата модела ќе останат во понудата. Истото важи со SX4 S-Cross, чиј што директен претходник и натаму е присутен во моделската понуда како евтина алтернатива.

Изгледот и техниката на европскиот Celerio ќе се разликуваат од верзијата за азискиот пазар. Производството на обете варијанти во почетокот ќе се одвива во Индија, исто како кај Alto. Celerio е развиен како глобален автомобил и ќе биде присутен на повеќето пазари во Европа и Азија.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

BMW X3: Фејслифт и нов дволитарски дизел

Mercedes ќе ги интегрира очилата на Google во своите модели