Audi ќе напаѓа на пазарот на хибридни автомобили со A3 E-tron. Истата техника ја поседува и Golf. Според шпекулациите, моделот од Волфсбург ќе ја носи ознаката GTE, по пример на GTI и GTD.
Изведбата на Golf со хибриден погон со надворешно полнење е истоветна со A3 E-tron. Под хаубата ќе работи 1,4-литарски TSI со моќност од 150 КС, заедно со електромотор од 102 КС. Тоа дава системска моќност од 204 КС и вртежен момент од 350 њутнметри. Според нормите за потрошувачка за хибридни возила, Audi троши 1,5 литар бензин во првите сто километри и логично е дека слична вредност ќе постигнува и новата погонска изведба на Golf. Во случај кога возилото стартува со празни батерии, потрошувачката изнесува 3,5 литри на сто километри што и натаму е исклучителна вредност.
Околу ознаката на хибридниот Golf сé повеќе се спомнува кратенката GTE, по пример на традиционалните моделски изведби GTD и GTI. Прашање е само како ќе реагира конкурентот Opel, кој ги користеше овие три букви за спортските изведби на неговите модели во 1970-те години. Буквата Е во ознаката секако ќе стои за Електро. Покрај хибридниот Golf, налето ќе стартува и продажбата на верзијата со погон на струја e-Golf.