Салонот за кампинг во Диселдорф е најголем во браншата во глобални рамки, со преку 170.000 посетители годишно. Присутни се дури 580 изложувачи со возила, приколки, шатори и прибор, како и бројни туристички агенции со атрактивни понуди. Од луксузни камп-возила вредни 1,5 милион евра до мини приколки за 7.500 евра, на 190-те илјади метри квадрадни изложбена површина на саемот во Диселдорф во оваа година се наоѓаат преку 1.900 најразлични возила за кампување, распоредени во вкупно 11 хали – тоа се само основните податоци на најголемиот салон на тема кампување во светот. За подетална претстава што сé се случува во оваа година на Салонот за возила и прибор за кампување во Диселдорф, погледнете ја нашата галерија од 100 фотографии.
