Valmet Automotive ја продолжува соработката со Mercedes и за следната генерација модели од компакт класата. Во фабриката на финскиот производител во Усикаупунки од 2013 година се произведува актуелната A-Class.
Фабриката на Valmet Automotive останува во глобалниот синџир од производствени локации и за следната генерација на Mercedes A-Class. Дополнителните капацитети за производство се неопходни покрај големиот интерес за моделите од компактната класа на Mercedes. Актуелната A-Class во 2013 година започна да излегува од погоните на финскиот производител по нарачка.
Покрај Усикаупунки, глобалниот синџир за производство на Mercedes A-Class ги вклучува и погоните во главната фабрика за моделот во Раштат, Германија, како и фабриката во Кечкемет, Унгарија, фабриката на кинескиот партнер BBAC во Пекинг, а во иднина и новата фабрика на Mercedes во мексиканскиот Агуаскалиентес. Во моментов во оваа северноамериканска држава се гради нова фабрика, заедно со партнерот Renault-Nissan. Од февруари годинава, на истата лента со A-Class се произведува и теренецот GLC.
Глобалната производствена мрежа на Mercedes опфаќа 29 локации со близу 78.000 вработени, вклучувајќи ја логистиката и развојот на нови модели и технологии.
Овие автомобили се произведувале во Valmet Automotive (поранешен Saab-Valmet)
- Saab 95, 1969–1975
- Saab 96, 1969–1980
- Saab 99, 1969–1984
- Saab Finlandia, 1977–1978
- Saab 900, 1978–1998
- Saab-Valmet Horizon, 1979–1985
- Talbot 1510, Talbot Solara, 1979–1985
- Saab 90, 1984–1987
- Saab 9000, 1986–1990
- Opel Calibra, 1991–1997
- Lada Samara Baltic, 1996–1998
- Porsche Boxster, 1997–2010
- Saab 9-3, 1999–2003
- Porsche Cayman, 2005–2011
- Garia Golf Car, од 2009
- Think City, 2009–2011
- Fisker Karma, од 2011
- Mercedes-Benz A-Class, од 2013
- Mercedes–Benz GLC од 2017
