за

Упад во Porsche: Крадците обиле 110 возила

Прексиноќа во Лајпцих биле обиени 110 возила на фабричкиот паркинг на Porsche. Безбедносниот персонал не воочил ништо.

На фабричкиот паркинг се наоѓале стотици примероци од Porsche Panamera и Cayenne и го чекале моментот да се испорачаат на сопствениците. Цел на обивањето биле воздушните перници од страната на возачот. Сите 110 возила останале без овој модул. Материјалната штета се проценува на 50.000 евра, но оштетувањата на самите возила се неспоредливо поголеми.

Крадците немале проблем да влезат во фабричкиот круг, каде што никогаш досега не бил инсталиран алармен систем. Поради тоа, крадците можеле непречено да ги обијат возилата и да ги извадат модулите на воздушните перници. Во кругот се вработени чувари, но крадците го искористиле моментот на смена за да влезат во фабриката. Неодамна Porsche го одбележа 100.000-от примерок од Panamera од фабриката во Лајпцих.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Наследникот на SLS AMG доаѓа во 2016 како GT

Автопат од соларни ќелии место асфалт