Прогласувањето на Љубљана за најзелена престолнина во Европа за оваа година не е случајно. Во јавниот превоз во главниот град на Словенија од денес циркулираат 30 зглобни автобуси со погон на метан.
Еколошките автобуси пристигаат како замена за постарите единечни и зглобни автобуси. Осумнаесетметарските MAN Lions’s City CNG располагаат со капацитет за превоз до 155 патници. Автобусите имаат нископодна конструкција, преклоплива рамка, видеонадзор и диодни дисплеи за информирање на патниците. Клима уредот дополнително поседува и канали за загревање на подот, што несомнено е добредојдено во зимскиот период. Шестцилиндарскиот мотор во линија постигнува максимална моќност од 310 КС.
Метанот во моментов е позициониран високо на листата на приоритети на нашата најголема нафтена компанија Макпетрол. Љубљана може или некогаш би можело да послужи како пример за примена на метанот во сообраќајното секојдневие.
